လူမှု့ ကိစ္စ..အသက်၁၈နှစ်ပြည့် မှဖတ်ကြပါ

Contraceptive implant ကိုယ်ဝန်တား အရေပြားအောက် ထားရတဲ့ပစ္စည်း

အသက် ၁၈ နှစ်ပြည့်မှ ဖတ်ပါ (၇ဝ)

2011/5/13
ကျွန်မ အသက် ၃၁ နှစ်ပါ။ အိမ်ထောင်ကျတာ တစ်နှစ်ရှိပါပြီ။ Implant ခေါ် လက်မောင်းအရေပြားအောက်တွင် ထည့်မည့် ကိုယ်ဝန်တားဆေးချောင်း ထည့်ချင်လို့ပါ။ သူ၏ ဆိုးကျိုး ကောင်းကျိုးများကိုသိချင်ပါသည်။ ထိုတားဆေးသည် ၅ နှစ်ခံလို့ ပြောပါသည်။ သောက်ဆေးများကဲ့သို့ ဆိုးကျိုးမရှိဘူးလို့ ပြောပါသည်။ ဟုတ်ပါသလား။ ကိုယ်မလိုချင်လို့ ပြန်ထုတ်လျှင် ချက်ချင်း ကလေးပြန်ရသည် လို့လည်း ပြောပါသည်။ ဟုတ်ပါသလား ဆရာ။

ကိုယ်ဝန် တားနည်းတွေ အများကြီး ရှိတယ်။ အရေပြားအောက်မှာ ထည့်ထားရတဲ့နည်းကို အမျိုးသမီး အတော်များများ စိတ်ဝင်စားကြတယ်။ သားအိမ်ထဲလိုမျိုး အတွင်းကျကျမှာ လုပ်ရတာ မဟုတ်တော့ ရှက်စိတ် နည်းစေတယ်။ သူများလဲ မြင်တာ မဟုတ်ဘူး။ တနေ့တလုံး ဆေးသောက်ရတာမျိုးလဲ မဟုတ်။ သုံးလတခါ ဆေးထိုးနေဘို့လဲမလို အကြာကြီး ခံတယ်။ အခါတိုင်း အခါတိုင်း သုံးဘို့ (ကွန်ဒွမ်) တွေလဲ ဝယ်နေစရာ မလိုဘူး။ (ကွန်ဒွမ်) သုံးပါ ပြောလို့ အဖေါ်-ခင်ပွန်းက ငြင်းနေမှာလဲ မပူရဘူး။

Implants ဆိုတာ ဘာလဲ။ အရေပြားအောက်မှာ ထည့်ထားရတဲ့ အချောင်းလေးပါ။ ဟော်မုန်းတမျိုးပါတယ်။ ဒါကနေ မျိုးဥအိမ်က မျိုးဥ ထွက်မလာစေဘူး။ သားအိမ်အဝ အချွဲရည်ကို စေးပျစ်စေမယ်။ သားအိမ် အတွင်းဆုံးအလွှာကိုလဲ ပါးလျစေတယ်။ သုံးချက်ပိုင်နည်း ဖြစ်တယ်။ ဘာဘဲလုပ်လုပ် သတိကြီးစရာတွေတော့ ရှိပါတယ်။ မတော်တာ၊ မထင်တာ ဖြစ်လာတတ်တယ်။ ရာသီ မမှန်တာ၊ ထည့်ထားတဲ့နေရာ ပိုးဝင်တာ၊ နာကျင်တာ၊ ထည့်ပေးတာက နေရာမကျတာ၊ ထည့်ထားတဲ့ ပစ္စည်းက ခြေထောက်ပေါက်သလို ဟိုရောက် ဒီရောက်သွားတာ စသဖြင့်။

1. Nexplanon ဆိုတာ Organon ကုမ္ပဏီကထုတ်ပြီး Etonogestrel ပါတယ်။ ၃ နှစ်ခံတယ်။
2. Norplant ကနောက်မှပေါ်လာတာ။ ၁၉၈၃ ကတည်းက ဖင်လန်နိုင်ငံမှာ စသုံးခဲ့တယ်။ Levonorgestrel (Progestin) 36 mg ပါပြီး (2.4 mm × 34 mm) အရွယ်ရှိတဲ့ Silicone capsules (၆) ခု ဖြစ်တယ်။ ၅ နှစ် ခံတယ်။ ယပ်တောင် ပုံလေးလို လှလှပပလေး ထည့်ပေးတယ်။ အပေါ်ကနေ မြင်နေရတတ်တယ်။ သေခြာစမ်းရင် သိနိုင်တယ်။ အိန္ဒိယကထုတ်တဲ့ Norplant capsules ၆ တောင့်ထဲမှာ Aprogestin ပါတယ်။ ဝတဲ့သူတွေလဲ ရတယ်လို့ ပြောတယ်။ ၅ နှစ်ထားနိုင်တယ်။
3. Jadelle (Norplant II) နာမည်နဲ့ တခြားနိုင်ငံတွေမှာ ရှိတယ်။ (2.5 mm × 43 mm) အရွယ် (စီလီကွန်) (၂) ချောင်းထဲမှာ 75 mg Levonorgestrel ပါတယ်။ ၁၉၉၆ က စသုံးတယ်။ အစက ၃ နှစ် နောက်တော့ ၅ နှစ် အာမခံတယ်။ အစနှစ်မှာ တနေ့ကို 100 µg/day နောက်၊ 40 µg/day နဲ့ 30 µg/day နှုန်းနဲ့ ၅ နှစ်ကြာ ထုတ်ပေးနေမယ်။ လက်မောင်း အတွင်းဖက်၊ အရေပြားအောက်မှာ (ဗွီ) ပုံသဏ္ဌာန် ထည့်ပေးမယ်။ ထည့်နည်းကို http://www.rxlist.com/jadelle-drug.htm မှာ အတိအကျ ပြပေးထားတယ်။
4. Implanon (Etonogestrel) ကို ဗြိတိန်မှာ ၁၉၉၉၊ ကတည်းက စသုံးတယ်။ Etonorgestrel ဟော်မုန်းပါတယ်။ 4 cm x 2 mm အရွယ်ရှိတယ်။ တတောင်ဆစ် အောက်နား အရေပြားအောက်မှာ ထည့်လေ့ရှိတယ်။ အခု အဲဒါ Nexplanon နဲ့ အစားထိုးလိုက်ပြီ။ ခပ်ဆင်ဆင်ပါဘဲ။ ဒါပေမဲ့ ဓါတ်မှန်မှာ ပေါ်နိုင်တာ လုပ်ထားတယ်။ Applicator ပါလို့ ထည့်ရတာလဲ လွယ်တယ်။ အရင်ဟာကို ၃ နှစ် ကျော်ရင်တော့ အသစ်နဲ့ အစားထိုးတာ ကောင်းတယ်။
5. Implanon ကိုသာ USA မှာ ၂ဝဝ၆ ဇူလိုင်ကစပြီး လိုင်စင်ပေးထားတယ်။ Etonogestrel 68 mg ပါပြီး၊ ၃ နှစ်ခံ၊ (၁) ချောင်းထဲ ဖြစ်တယ်။ ထုံဆေးသုံးပြီး လူနာက ညာသန်ဆိုရင် ဘယ်လက်ဖျံမှာ တဒေါင်ဆဆစ် အထက် လက်မောင်း အတွင်းဘက် ၈-၁ဝ စင်တီမီတာ နေရာမယ် ထည့်ပေးတယ်။ ၅-၁၅ မိနစ်အလုပ်သာ ဖြစ်တယ်။ ၄% လောက်မှာ သွေးခြည်ဥတာ၊ ဖေါင်းတာ၊ နီရဲတာ၊ နာနေတာ ဖြစ်တတ်တယ်။

မထည့်ခင် ကိုယ်ဝန်ရှိမနေတာ သေခြာစေသင့်တယ်။ ဆီးစစ်ပါ။ ရာသီစလာတဲ့ရက်ကနေ ၅ ရက်အတွင်း လုပ်သင့်တယ်။ ကလေး ဖွါးပြီးစ၊ ကလေး ၃ ပါတ်အရမှာ လုပ်နိုင်တယ်။ ကလေးနို့တိုက်တာမှာ ပြဿနာ မရှိစေဘူး။ နို့ထဲမှာ ဟော်မုန်း နဲနဲလေးတော့ ပါနေနိုင်တယ်။ ကိုယ်ဝန်ပျက်ပြီးသူလဲ ချက်ချင်း ထည့်နိုင်တယ်။ ထည့်ပြီး ၂၄ နာရီကစပြီး သက်ရောက်မှု ရှိမယ်။ ပြန်ထုတ်ပြီးရင် မကြာခင် ကိုယ်ဝန် ရနိုင်လာတယ်။

ရေရှည်မှာ ဘာဖြစ်သလဲ။ ကင်ဆာ မဖြစ်တာတော့ သိထားတယ်။ တခြားဆိုတာတွေ သိပ်မသိလှသေးပါ။ ဘေးထွက်-ဆိုးကျိုး မရှိတော့ မဟုတ်ပါ။ ဟော်မုန်း တန်ခိုးက ကြီးတယ်။ တခုကောင်းတာက တခုခုဖြစ်ရင် ထုတ်ပြစ်လိုက်ယုံဘဲ။ ဆေးထိုးတာသူတွေနဲ့ မတူဘူး။ ဆေးသတ္တိက ချက်ချင်း ရပ်သွားတာ။

ဘေးထွက်ဆိုးကျိုးတွေ = ခေါင်းကိုက်၊ ခေါင်းမူး၊ သွေးနဲနဲစွန်းမယ်၊ ရာသီများမယ်၊ မဆင်းဘဲနေမယ်၊ ကိုယ်အလေးချိန်တိုး၊ ရင်သားနာ၊ စိတ်ကျ၊ စိတ်မူပြောင်း၊ ပျို့ချင်မယ်၊ ဝက်ခြံပေါက်မယ်၊ လိင်စိတ် အပြောင်းအလဲဖြစ်တာတော့ ရှားပါတယ်။

• မွေးလမ်းကနေ ဘာမှန်းမသိဘဲ သွေးဆင်းနေသူ၊ အသဲရောဂါဆိုးရှိနေသူ၊ သွေးခဲပိတ်ရောဂါရှိနေသူ၊ မျိုးဥအိမ်-အကျိတ် ရှိနေသူတွေ မသုံးသင့်ပါ။
• St John's wort (Hypericum perforatum, Tipton's Weed, Chase-devil, Klamath weed) ခေါ်တဲ့ စိတ်ကျရောဂါ အတွက် သုံးတဲ့ တိုင်းရင်းဆေး ပေးနေသူတွေ မသုံးသင့်ဘူး။
• Rifampicin, Rifabutin, Phenytoin, Carbamazepine, Phenobarbital နဲ့ Primidone ဆေးတွေ သောက်နေရသူတွေ HIV ဆေးပေးနေသူတွေမှာ သတိထားရမယ်။
• လူကောင် သိပ်ကြီးနေသူတွေမှာ ကိုယ်ဝန်တားဘို့ ဆေးမနိုင် ဖြစ်တတ်တယ်။

ဒါပေမဲ့ လွန်ခဲ့တဲ့ ၁ဝ နှစ်တာ သမိုင်းကို ဆန်းစစ်တဲ့အခါ စိတ်မသက်သာစရာတွေ တွေ့လာရတယ်။ ၆-၁-၂ဝ၁၁ လန်ဒန်က လာတဲ့ သတင်းတပုဒ်မှာ ၃ နှစ်ခံ Implanon implant သုံးတဲ့ အမျိုးသမီး ၅ဝဝ မယ် ကိုယ်ဝန်ရခဲ့တယ်လို့ ဆိုတယ်။ (တီဗွီ-စတိုရီ) တွေလည်း ပြကြတယ်။ နောက်ထပ် ဒါပေမဲ့တခု ဆက်လာပါတယ် (မီဒီယာ) သမားတွေဟာ အခြေခံသင်္ချာကို နားလည်မှု လွဲနေတယ်တဲ့။ ပြောတဲ့သူက Medical statistician ဆေးပညာ-စာရင်းဇယား ပညာရှင်ပါ။ ၁ဝ နှစ်အတွင်း ကိုယ်ဝန် ၅၈၄ ဆိုတာဟာ Failure rate မအောင်မြင်နှုန်း ဝ့ဝ၁၄% သာဖြစ်ပါတယ်၊ Success rate အောင်ချက်က ၉၉့၉၈၆% ပါတဲ့။

ဆရာဝန် နဲ့ (မီဒီယာ) ပညာပြိုင်နေကြတာ မဟုတ်ပါ။ လွတ်လပ်ခွင့်ရှိလို့ အကိုးအကားတွေနဲ့ ထောက်ပြကြတော့ လူအများ စဉ်းစားစရာ ရွေးချယ်စရာတွေ များစေတယ်။ တိုးတက် ကောင်းမွန်စေတယ်။

ထပ်သိဘို့ ကောင်းတာက ဘယ်အရာမှာမဆို လက်မှတ်ရှိသူ ဖြစ်ပေမဲ့ တတ်ကျွမ်းသူနဲ့ အတွေ့အကြူံများသူ မတူကြပါ။ ၂ဝ-၃-၂ဝ၁၁ Guardian News and Media ကလဲ GPs ဆရာဝန်တွေ ဘယ်လို စနစ်တကျ ထည့်ပေးရမယ် ဆိုတဲ့ သင်တန်း ယူသင့်တယ်လို့ ရေးတယ်။ သူတို့ဆီမှာ အာမခံစနစ်၊ တရားစီရင်ရေးစနစ်တွေက ပိုကောင်းတာမို့ နစ်နာသူတွေ လျှော်ကြေး ရနိုင်ကြလို့ ၁၁ ဦးက တင်တာမှာ ၆ ဦးအတွက် ပေါင် ၁ သိန်းပေးခဲ့ရတယ်။

UK မှာ ၁၉၉၉ တည်းက အမျိုးသမီးပေါင်း ၁့၎ သန်း Implanon ထည့်ထားကြတယ်။ ၁၆ဝ၇ က (ကွန်ပလိန့်) တက်တယ်။ ၉၉% ထိရောက်တယ်။ ညွှန်ကြားချက်လဲ ထုတ်ထားလိုက်တယ်။
• လူနာတွေကို သတင်းအချက်အလက် အစုံ အသိပေးပါ။ အကျိုးနဲ့ အပြစ်တွေ၊ တခြားနည်းနာတွေ၊ ဘေးထွက်-ဆိုးကျိုးတွေ ပါစေရမယ်။
• ပြဿနာပေါ်ရင် ရှင်းလင်းချက်၊ တောင်းပန်ချက်၊ ဘယ်လို ကိုင်တွယ်မလဲ၊
• ထည့်ပေးထားသူတွေကို (ဖေါလိုအပ်) ခေါ်ယူစစ်ဆေးမှု စီစဉ်ပေးပါ၊
• မထည့်ခင်က ကိုယ်ဝန်ဟာ သားအိမ်ထဲ၊ သားအိမ်ပြင်ပမှာ ရှိနေ-မနေ သေခြာစေပါ။

Dr. တင့်ဆွေ
၁၃-၅-၂ဝ၁၁